首個演唱會係執胡鴻鈞二攤？　菊梓喬：要就導演同音樂總監時間！

菊梓喬（Hana）首個個人演唱會於今天（21日）舉行發布會，此刻她的心情百感交集：「我好緊張、好興奮、好關心同好期待，但我首先要練好自己身體，因為呢個係一個好犀利挑戰，亦都係自己好想做嘅嘢，呢段日子真係辛苦各位同事同老闆佢哋係我身邊支持我，覺得自己好幸運。」

舉辦演唱會需要的體能消耗極大，所以Hana也準備了一個挑戰給自己：「我一定要去做運動，因為自己太弱，弱不禁風，因為我唔只係做一啲只為健康嘅運動，我係要成個身軀變大嘅運動，咁係好難同好痛苦嘅事，但我每次好痛嘅時候我腦都會諗演唱會三個字，呢件事畀到我動力。」

另外原本這個演唱會檔期傳聞是屬於胡鴻鈞的，但現在由Hana頂上，Hana否認頂替胡鴻鈞：「其實我哋今次個期係就返導演同音樂總監，佢哋個期都好忙都幫緊好多好勁嘅歌手做演唱會，好開心可以同佢哋合作，所以其實今次係要就佢哋個期，但我覺值得。」