小鮮肉楊天宇新戲「暗戀」李佳芯 同女神合照紅都面曬

撰文:冼燕珊
出版:更新:
李佳芯(Ali)日前與小鮮肉楊天宇(Angus)一齊拍攝廣告,廣告以微電影手法拍攝,分上下兩集,微電影名為《可能一直都在》。

Angus於微電影中飾演職場新人,第一日返工就對上司Ali一見鍾情,並積極展開追求攻勢,之後佢為咗幫Ali補鑊仲被炒魷魚。微電影入面,Angus對住上司Ali相當主動,不過鏡頭後,對住女神Ali嘅Angus原來系怕醜仔一名。難得有機會親近女神,Angus當然把握機會集郵,不過影咗無數咁多張合照之後都系唔滿意,猛話:「唔得呀。」Ali睇完相後講笑咁話:「原來系你影極都唔靚。」搞到怕醜嘅Angus唔單隻紅都面曬!
Angus話Ali絕對系佢心目中嘅女神,「第一次同Ali合作,整個拍攝過程都好開心、順利,佢當然亦系所有男性心目中嘅女神啦。至於耳仔紅,系因為被佢篤爆咗我影極都唔靚,哈哈。」見到變咗成個紅蕃茄嘅Angus,Ali除咗喪笑,仲即刻指住佢只耳仔影相,而呢張相反而成為佢哋兩個最滿意嘅合照。
+1