方紹聰現身撐張慧儀慈善活動 望用知名度幫助弱勢社群！
撰文：黃欣華
出版：更新：
方紹聰（奶仔）於母親節當日獲張慧儀邀請出席「兒童心臟基金會」活動，奶仔透露此次是由人美心善的慧儀姐姐以主辦人身分統籌活動，自己因拍劇而結識慧儀姐姐且一直十分欣賞她，所以聽到消息即現身力撐。
出名是超級孝順仔的奶仔為養家，多年來一直身兼多職，曾經做過兒童樂園、貨van司機、戲院、裝修、在主題樂園扮鬼以及餐廳等工作，為做善事，他亦寧願犧牲休息時間：「入行9年，儘管錢搵得唔多但拍劇而得到嘅一啲知名度，引起大眾對弱勢社群關注，我自己會好開心！之前報道我都提過我家姐係輕度弱智人士，如果有機會演傷殘人士的角色會更加落力去演，因為我覺得如果演員做得好，觀眾會更加留意呢啲角色，變相會更加關注弱勢社群或者有需要幫助嘅人，所以我每一次都會好落力去演，努力做好佢。而今次可以用自己少少知名度，令多啲人關注。」