【友枱VIP】唐文龍解開與劉永健hehe之謎:連爸爸都懷疑過
撰文:鄺鈺瑩
出版:更新:
ViuTV節目《友枱VIP》最新一集搵嚟唐文龍做嘉賓,由於唐文龍早年不時被影到同節目主持人劉永健出雙入對,仲要合資開日本餐廳,令「hehe」之說不脛而走。節目中,二人重提舊事,劉永健解決當年只係想指導唐文龍點追女,所以先一齊行超市,但報道出街後,連身在美國的父母都有啲擔心,仲直接打電話問唐文龍係咪性取向有變,非常好笑。
其實唐文龍同劉永健當年因《十月初五的月光》而認識,二人於劇中雖然係飾演天敵,但戲外卻十分友好,直到後來劉永健北上發展,二人才減少聯絡。劉永健曾在訪問中提到自己遇上事業低調時,幾乎與外間斷絕聯絡,戶口只得99元。唐文龍得知對方經濟拮据,以健身為藉口,並送贈健身奶粉予劉永健,點知原來奶粉蓋內係二萬蚊人仔,劉永健於節目中,再次感激唐文龍助自己渡過難關。對於「塞」錢俾老友一事,唐文龍近年雖然不時有被問起,但都只係輕描淡寫,並指「每個人都有唔容易嘅地方,我自己都有。只是佢講出嚟先。我做嘅事,在心中就可以了,唔使講出嚟,佢依家都好好啦。」
【友枱VIP】文頌嫻揭無綫亞視內幕 「七魔女」分享閨密醉酒實況【友枱VIP】洪金寶差點轉行做廚師 工作無休令周家蔚擔心落淚【友枱VIP】羅家英爆劉兆銘被無綫老人約玩殘:佢嬲到拍檯【友枱VIP】謝天華親解單手攀石傾電話好合理:專人試過成功