靚媽林芊妤請食飯慶祝母親節 　忽然醒覺自己身分：咁由老公俾錢

林芊妤（Coffee)今日（7/5）現身銅鑼灣舉行的著名護膚品牌活動，更即場示範瑜珈高難道動作，令在場人士嘆為觀止。Coffee表示：「以前如果想瘦身都係做運動，但宜家就會用一啲產品例如瘦身油，達到去水腫瘦身嘅效果，曾經試過有其他牌子嘅公司瘦身產品，要求同我合作，俾咗啲產品我試用，搞到皮膚敏感，最後大家都冇合作到，我認為如果產品唔好，你俾幾多錢我都唔會做代言人，係對呢個社會嘅責任。」

此外，Coffee透露母親節當日，一家人會去食飯慶祝：「其實本身我會話請媽咪食飯，約埋老公一齊去食我俾錢，但頭先做做下訪問，突然發覺原來我都係母親喎，咁所以應該係老公佢俾錢啦。」Coffee坦言非常感激母親養育之恩，曾經在她遇到困難時，仍不離不棄，無論風吹雨打，仍風雨同路。