陳柏宇帶囡囡捧蕭潤邦新店開張 符曉薇投訴：我哋個女依家係要爭

陳柏宇今天（6日）帶同老婆符曉薇（Leanne）及女兒陳羿辰（Abigail）出席好朋友蕭潤邦（Oscar）的飲食店開張，而柏宇原本打算拋下老婆，自己帶同女兒到場支持，不過Leanne解釋：「其實我要帶囡囡同朋友喺旺角食飯，點知佢又唔同我講，我一點幾約咗朋友，但十二點左右佢話要帶囡囡出去，我哋個女依家嘅時間係要爭，囡囡好忙。」

柏宇的女兒到場後更成為場內焦點之一，現場不少人爭先恐後想跟她合照，而Abigail表現相當淡定，沒有大哭大鬧，柏宇笑言：「抱住佢就淡定，其實帶佢出嚟都做咗好多防護措施，啱啱帶咗一個耳塞出嚟，唔洗畀啱啱舞龍舞獅嚇親，咁幾好呀。」
 

談到好朋友Oscar在飲食生意方面成績相當不錯，柏宇直言有錢賺當然想投資：「我未必會要求想投資佢名下嘅店，因為佢已經賺得好好，我冇理由叉一隻腳落去，不過睇佢仲有冇咩Idea，唔一定做飲食。」