【晚吹】室內設計師大爆客人趣聞：套廁唔可以出現水係咩玩法?

最新一集ViuTV節目《晚吹- 又要威又要戴頭盔》請嚟四位室內設計師，講述喺寸金尺土嘅香港，為客人設計屋企時遇上種種趣事。當中包括要喺100呎單位內放置65吋電視機、L形沙發以以及4人餐檯，亦都有試過有客人要求將32呎廚房「整得grand啲」。
 

難得買到安樂窩，任性少少都好正常，其中一個室內設計師就話，試過幫一位客人設計一個三千呎單位，魔具均由外國訂購，點知當部雪櫃送抵時，先發現入唔到門口……「屋主曾經嘗試同民航處聯絡，想申請直升機喺屋企附近出現，將電櫃吊入屋。」聽落都幾離地，但有錢就是任性，設計師仲話呢位屋主想親自駕直升機……問到點解唔將雪櫃用吊臂運入屋，設計師就話因為地面太斜，比較難穩定吊臂，同埋，管理處唔同意喺天台暫時加裝吊臂 ，咁最後點算呢？「後來屋主去外國，搵電器生產商，包機票、食宿，請負責人嚟香港，將雪櫃拆件，入屋之後再裝嵌。」