【婚姻的童話】演「邪花」勾引人夫關禮傑 陳嘉桓：現實中未試過

陳嘉桓（Rose)今日（3/5）出席在沙田石門舉行的電影《婚姻的童話？》開鏡拜神儀式。Rose在劇中飾演人夫關禮傑的私人秘書，因朝夕相對兩人互生情愫，令Rose不能自拔，展開一段不倫之戀。Rose笑言現實中自己從未試過做第三者：「因為呢樣嘢係唔可以嘗試，不過呢啲事情身邊朋友都遇過，睇新聞都見過，其實呢個問題都好難講，都係要睇佢哋把唔把持得住囉，都係要靠佢哋自己。」

（另一伴偷食會唔會原諒？）Rose直言：「我覺得同另一半嘅時候，最梗要同對方坦白，如果有犯錯嘅嘢，大家最梗要坦白，睇下能唔能夠原諒到佢囉，之後先諗解決方法，因為自覺得人死嘅時候，都唔可以帶住走，咁所以覺得同一個人有緣份喺埋一齊嘅時候，千其唔好因大小事情誤了自己。」