【鋒味前奏】謝霆鋒煮食當修行　在廚房中學會放下執著

由謝霆鋒主理的《鋒味前奏》日前播出第8集，霆鋒在節目中透露心聲，他說在廚房的時間對他來說是一種修行，令他學識做人不可以太執著，還有時間管理，例如如何可以上齊8道菜，而能同時保溫，在寫餐單時已經要編排好煮食次序，「每一道菜都暖，咁呢餐飯就溫暖啦！」

霆鋒在廚房中領悟人生。

霆鋒亦分享了他對真正美食店的看法，「好食嘅地方永遠都係人少少，你睇好食嘅日本餐有冇超過12個人嘅座位？其實好少見。」劉翁問霆鋒喜不喜歡台灣小食，霆鋒指自己最喜歡台薑母鴨，劉翁則將薑母鴨理解成「鴨版的醉雞鍋」，令火火和霆鋒忍不住爆笑。

火火笑言霆鋒緊張擺盤多過自己個樣。

霆鋒煮喇沙給兩位「徒弟」食，更為自己碗喇沙擺盤，他指自己不是每次都會這樣畀心機擺盤，但就被劉翁指他擺盤比執自己個樣更緊張：「佢成日唔化妝㗎喎。」霆鋒回應指自己唔明點解要化妝，仲直言如果要化妝，他會好「炆憎」，火火說：「佢個樣唔使執啊嘛大佬。」