Aka@Super Girls倫敦深造美術 大呻零艷遇Dry爆：全部都係女同學
撰文：陳栢宇
出版：更新：
Super Girls隊長Aka（趙慧珊）向來熱愛繪畫，之前更開畫展做善事，最近她愐為了增值自己到倫敦修讀為期兩星期的美術課程。除了上堂之外，Aka更抽時間參觀了大英博物館、動物園、倫敦橋和大笨鐘等地方，四圍吃喝玩樂，難怪她笑言唔捨得走，非常享受當地的文化氣色。
問Aka在當地有否艷遇？她笑言整段旅程「Dry爆」，更謂：「我去到英國皮膚就好乾，仲甩皮，不過返到香港就冇事。」她透露修讀課堂竟是全女班，只有老師是男人，她笑說：「美術學校有好多打扮新潮的男生，不過我讀嗰班全部都係女同學，只有阿Sir係男人，不過同學都好好人，我唔知當地上堂用具都係自己帶，她們即刻借畀我。」
雖然初學校沒有異性埋身，不過Aka有一晚於餐廳食飯時，就被餐廳內的男食客讚，她表示：「記得有一晚食飯時，有一位外國男生走過來，好禮貌咁讚我外表靚之類，不過讚左幾句就走左。當時冇諗到佢係想識我，反而我同行攝影師就話佢係想抄我牌的暗示。」
點擊下圖觀看Aka在倫敦影的靚相：
+4