【黃心穎許志安】傳好友背馬國明搭人夫　劉穎鏇：唔知坐車會錄影

今日有傳媒流出黃心穎與人夫許志安於車廂親熱片段，消息一出震驚整個娛樂圈。劉穎鏇（Tiffany）今日（16/4）出席在尖沙咀的活動時表示：「我都係啱啱先知，心穎我同佢喺工作上都有來往，亦係《學是學非》嘅師姐，我認識嘅佢係一個好包容我嘅姐姐，對於關於呢個情況，我唔應該講太多，反而我好擔心佢，我真係希望佢會冇事，希望佢能夠自己處理好件事情。」

問及應否在車內安裝攝錄器材，Tiffany就認為：「作為乘客角色唔應該喺乘客唔知情下進行錄影，其實我完全唔知道乘坐車都會有錄影，經過呢件事情先知原來有呢樣嘢，咁所以我都會提點自己，日後乘搭交通工具時，多加注意自己言行舉止。」