【勝利醜聞】舊愛黃荷娜涉吸毒被捕　朴有天遭限制出境

朴有天舊愛黃荷娜因涉嫌吸毒上星期被警方拘捕，黃荷娜接受調查時，聲稱因有藝人A某向她注射毒品，才令她成為癮君子。外界唔少人都推測A某就係朴有天，為免愈描愈黑，朴有天於上周三(10日)舉行記者會，否認自己係黃荷娜口中所指嘅A某，並透露自己曾以飲酒或服用處方安眠藥，解決失眠問題。

到底邊句係真邊句係假呢？據韓媒MBC《News Desk》報道，警方已掌握朴有天涉嫌吸毒嘅證據，亦將會禁止朴有天出國，預計下週傳喚進行調查。另外，亦有報道指警方取得黃荷娜寓所嘅CCTV片段，包含今年初朴有天出入嘅蹤影，由於二人去年秋天已經分手，但如今仍有來往，難怪會遭到警方將朴有天當作嫌疑人身份立案調查。