【影片】宋仲基快閃啤酒節　過萬粉絲逼爆新村

韓國男神宋仲基自上月底出席台灣粉絲見面會後未再有公開活動，之後他又飛往美國洛杉磯度假、健身兼拍廣告，足足在當地逗留半個月。久未露面的仲基在上星期六返韓，今日終於現身新村，出席第二屆啤酒節，大批粉絲為見偶像一面由朝等到晚，場面虛冚！

宋仲基以一身直間恤衫配牛仔褲現身，見到現場逼滿粉絲大感驚訝，更感歎到「嘩嘩聲」。仲基在大形布景版上簽名時，可能因為去旅行多日又未習慣時差，寫日期時要做口型向工作人員確定日期。身為啤酒代言人的宋仲基賣口乖：「在炎熱的時間最適合飲啤酒。」又即席與在場粉絲一齊乾杯。

一杯啤酒到肚的仲基即時大讚「好好飲，很涼爽」，又講到拍攝啤酒廣告的趣事：「想展現自然的一面，就像平常與朋友一起喝一杯的感覺。拍廣告有特寫喉核的鏡頭，朋友很喜歡這段還跟着學起來呢！」宋仲基又自爆：「我以前經常會和朋友來新村，但已經是8、9年前的事了，今天難得再來到這裏。」仲基短暫現身約15分鐘便離場。