林愷鈴首次做模特兒行Show　揚言會殺入音樂界

林愷鈴今天（2日）出席時裝秀活動，她同時也首次擔任模特兒與台上行時裝秀，她此刻心情透露十分緊張：「成件事嚟到，再望到好突發，因為真係好專業，行show唔係只係打扮到靚靚行出嚟，仲要加埋音樂同燈光加好靚嘅佈景，真係靚到一個極致，所以依家有少少緊張。」

而愷鈴始終不是模特兒出身，所以她指自己還是業餘階段，所以走秀的步姿也不像其他人那麼婀娜多姿：「我會盡量將自己開心同自信投放落去，我自己都有睇片，但始終都唔係專業，但我會努力。」

對於新嘗試愷鈴直言很多事情也願意去嘗試，接下來她想挑戰唱歌或者寫歌，她指自己還是業餘，但年紀輕輕便多才多藝，她絕對稱得上為「才女」，她直言不敢當：「其實好多方面我仲係業餘，唔係專業，我希望會變成專業。」