郭子豪醉駕事件後承認汲取教訓　感激公司給予機會和支持

郭子豪醉駕事件後首次出席活動，今天（1日）他出席《法證先鋒IV》的煞科宴，他也很不捨這部劇集的完結，很感謝劇中的前輩指導：「我特別想多謝譚俊彥，因為戲中都係跟佢多，見佢仲多過我阿爸阿媽，每次見到都傾點處理拍好部劇。」

提到醉駕事件後，子豪承認已汲取教訓：「我一路都有反思，都會拎正面態度，包括今晚呢個傳媒曝光機會，同埋經過今次呢件事，我真係好多謝公司，因為由案發去到依家呢一刻咁多日都支持我，由頭到尾都知道呢件事，都畀左好多人力物力去支持我，不論對內對外，都非常關心我。」

醉駕當天子豪因回應這件事情上說謊，他憶起其實當天第一次遇到這事情是思緒混亂不懂回答：「其實個日好多版本，都唔多評論，但我自己有兩個因素，一擔心屋企人知道，二來第一次發生呢件事情，所以有少少混亂，所以我喺到同大家講聲對唔住，因為講咗大話。」