范冰冰為復出鋪路？　孖范媽媽坐百萬名車蒲頭

范冰冰自去年捲入「逃稅漏稅」風波後，演藝事業受重創，除咗作品廣告全部叫停，更被重罰8.8億人民幣（約10億港元），范爺亦轉趨低調。至最近佢開始慢慢為復出試水溫，早前罕有露面出席時裝設計師開設美容院開幕禮，呢日又被影到現身北京。

網友影到范冰冰同媽媽現身北京東城區，冰冰扎住馬尾，著上粉紅色衫戴住太陽眼鏡及口罩步出大廈，手上拎住紙盒及外套，一邊行一邊同白衣女子傾談。范媽媽張傳美亦陪同左右，親自護駕。二人步上過百萬人民幣名貴房車離開，眼行嘅網友仲認得去年十月范冰冰涉逃稅後，首次現身都係坐住呢架車。