方力申專注教游水無休假計劃：我唔想手停口停呀！

方力申 (小方) 今日出席頒獎典禮時透露自己的游泳學校發展概況。小方一人身兼課程統籌及教練兩職，自然是「做到無停手」：「我今朝先教完三個鐘頭，之後就即刻趕過黎。做教練真係好辛苦，所以咁多位大人小朋友，記住愛惜你嘅教練啊。」更大賣廣告話復活節打算開intensive「操水班」，歡迎大家報名。學校事業上軌道意味住有更多企業想和小方合作，小方亦承認有內地機構想邀請他合作，但小方暫時會專注於本地顧客。

另外小方早前簽約邵氏兄弟，表示希望多拍點本地作品和觀眾見面，「留係香港都方便我處理游泳學校啲事務。(復活節假有什麼計劃？) 沒有啊，我放假就代表『手停口停』，所以都係做野好。」小方苦笑。校長真的不易做啊。