【3日2夜】分手情侶一齊拍節目　湯洛雯同羅天宇去睇極光

「我不信愛人離開竟可變密友~~」究竟呢句歌詞係真理還是片面之辭？羅天宇和湯洛雯這對「舊情人」，獲TVB安排一齊遠赴挪威，拍攝旅遊節目《3日2夜》，日前一同現身機場，二人接受娛樂新聞台訪問時，表現得相當大方。

一對舊情人去旅行，這可算是《3日2夜》歷來最有話題性的組合。即使是身邊的人，聽到他們一齊出trip，無不面露驚訝神色，大家都對他們會否舊情復熾充滿遐想，不過湯洛雯就落晒閘，話二人現時是好朋友關係：「我哋呢個組合先至冇聯想呀，已經過晒啲聯想位，如果我哋仲有啲咩關係就唔會嚟啦！」真係？！羅天宇聞言面露尷尬神情，更反問：「係㗎咩？」

湯洛雯說只當是朋友之間一起去玩，更反過來問羅天宇有否介意跟她合作？羅天宇靦腆地表示：「初頭有少少，不過依家OK！」但二人將去最浪漫的北歐看極光，不知道在美景之下，二人會不會重燃愛火呢？