【使徒行者2】大戰影帝古天樂張家輝　馬德鐘：係演藝界一個夢想

視帝馬德鐘（Joe）今天（20日）出席電影《使徒行者碟影行動》的發佈會，Joe直言有份拍攝也是一個很難得的經驗：「今次做警務處處長，咁我以前都做過警察，所以知呢個職位係神級位置，同埋我演咗警察咁多年，由散仔演到警務處處長，其實都係演藝界一個夢想，同埋可以同幾大影帝合作，又好多好耐冇合作過嘅演員合作，今次係好特別嘅經驗。」

Joe透露因為簽了邵氏兄弟而能夠有份參與這個大製作，但原來在電影版第一集曾經也有找Joe去拍但為何見不到他？「第一版嘅時候有搵我傾過，但檔期排唔到，所以今次有得拍真係好開心。」

另外，這次視帝大戰影帝（古天樂，張家輝）這陣容十分有追看性，不過Joe笑言是一種交流：「好多都係前輩，拍攝方面會感覺好多唔同火花，因為幾大影帝走埋一齊，大家演嘅時候尤其係《使徒行者》呢部電影好多背後故事係裡面，演繹方面都會內心好複雜同突破。」