【P風暴】林家棟與古天樂演技角力：疑似朋友又疑似敵人

今日（18日）為香港國際影視展的第一天，來到第四部的反貪風暴系列——《P風暴》主演們集體亮相，包括古天樂、林家棟、林峯、鄭嘉穎及周秀娜等，現場星光熠熠；林家棟從第一部《Z風暴》時演的警司，被古天樂拘捕變成階下囚，但仍然坐擁眾多手下，所以當古天樂進入監獄，林家棟就對他百般刁難；二人的關係時而似朋友、時而似敵人，想看他們鬥戰角力的觀眾就要到時候進戲院看了。

林家棟說：「最難忘係我哋比較多嘅場景除咗喺監倉，就係操場，自己感覺好罪惡因為成班都犯咗事入去，係沒有自由、沒有明天，當百無聊賴嘅時候就會搵個衝擊嘅對象，男人同男人之間就好易打交，但其實唔知為咗乜。」林家棟又言拍攝的時候氣氛有點深沉：「因為十幾個鐘喺嗰到，成個景真係一比一，鐵絲網成兩層高，監倉陽光又唔多、床係鐵床，所以好冷冰冰嘅感覺，但場景真實幫助到我哋入戲。」林家棟稱最後一場自己改對白，加入私家偵探元素，並希望這系列可以長做長有。