【開心速遞】吳偉豪暗撻鄧美欣發展姊弟戀　周嘉洛：有冇好介紹？

無綫處境喜劇《愛·回家之開心速遞》一眾演員今日（8/3）出席在將軍澳電視城17新廠舉行「威龍廣場」開張拜神儀式，祈求拍攝順利，收視長紅。周嘉洛開心表示：「入到呢度一聞啲味道就知道係新廠，環境好闊落，呢度相比起舊廠啲冷氣比凍，整體嚟講係開心嘅，所以喺呢到拍嘢都好期待。」

好兄弟吳偉豪早前與落選港姐鄧美欣一行五人去行山，兩人影相時表現親密，有傳兩人互生情素。周嘉洛笑言：「其實嗰日我有嘢做冇去到，所以冇出席到，其實佢哋有叫到我嘅。」（吳偉豪話唔介意姊弟戀？）喜洛笑話：「後生仔真係好呀，我都唔介意。有冇好介紹呀，咁如果真係有機會我都想再去行下山呀！」