黃建東獲頒「最具創意藝人大獎」　一日之內食勻全港

藝人黃建東（東東）自從二次創作日本洗腦神曲《PPAP》之後一直創意不絕，無論是拍片抑或在平日的社交媒體上，東東都非常搞鬼，帶給大家不少歡樂。

最近，東東獲媒體頒贈「最具創意藝人大獎」，得到肯定的他也感到非常開心：「好感動可以獲得認同同鼓勵，自己個腦天生就有呢啲搞笑點子，希望可以多產一點拍多啲為大家帶來歡樂嘅片。」

除了攞獎之外，東東還做起頒獎嘉賓，一日內走勻全香港不同餐廳，為他們頒發「來港必吃食店大獎」，受到各得獎餐廳的熱情款待：「一日內食咗著名嘅漢堡包、拉麵、小籠包、雪糕等等，真係飽到上心口。我唔敢話畀我健身教練知，驚畀佢鬧，唯有第日靜雞雞不停跑步消耗返。」當中小籠包餐廳更邀請東東入廚房跟大廚學整小籠包，而台灣餐廳則邀請東東客串收銀員，令他又食又玩獲益良多。