張曦雯當年直播打機原來有段故 與神秘「男友」成日傾打機！
撰文：趙允琳
出版：更新：
張曦雯（Kelly）今日為化妝品牌開幕活動擔任嘉賓，並即場為拍檔郭子豪化上底妝，而且有板有眼。Kelly話子豪so lucky，皆因其實自己很少幫別人化妝：「自己慣咗自己嘅五官，邊度凹邊度凸，但化人哋就好唔同！」
她笑言自己並不擅長化妝，雖然在YouTube有一個接近1萬8千個訂閱粉絲的頻道，不過都無謂拍片教壞人。Kelly表示自己經常在YouTube學化妝，更是某一位YouTuber的忠實觀眾：「我好鍾意Elva（倪晨曦），佢係我朋友嚟，不過佢真係好叻，我知佢做嘢有時都會自己化妝，真係做得好好。（下次有機會一齊合作拍片？）係喎！下次可以同佢傾吓，哈哈。」
Kelly當年因為在YouTube直播打機而得到「打機女神」的稱號，但不要因為她很久沒再直播就以為她已不再打機，只是因為工作太忙才沒空開直播：「其實我每日都有打機嘅，我依家玩緊Anthem，同埋尋日下載咗Metro Exodus，係伍允龍叫我玩嘅！」Kelly笑稱伍允龍是個很好的「打機朋友」：「佢打機好叻㗎，叻過我。其實我初時打機開live都係佢提議嘅，佢係我好朋友，而且又好鍾意打機，所以我哋成日都傾打機嘢！如果遲啲我哋有時間可以約埋一齊直播打機！」
+1
張曦雯女大真係18變 忽然與Do姐撞樣？【女神歸位】張曦雯事隔一年再露兩手 邊直播打機邊向網友求救【3日2夜】2018年收視排行榜公布 陳詩欣、陳睿雯拋離張曦雯奪冠【萬千星輝頒獎禮】張曦雯險走光 劉佩玥靚示範「若隱若現」威力【萬千星輝‧多圖】點評紅地氈女藝員 胡定欣張曦雯太老氣失手？【美女廚房‧多圖】張曦雯廚藝勁優點多 真人示範咩叫滿分女朋友