無綫「御用保安王」開畫展　陳勉良不言休：有能力就繼續拍劇！

陳勉良今日（5日）舉辦個人畫展，雖身為無綫的資深綠葉，但原來他17歲開始學畫畫，在藝術上有深厚的造詣。他坦言近來少了拍劇，不過就未有打算退休，他說：「因為做藝術唔一定要講退唔退休，總之有能力嘅，都會繼續拍劇。」

畫工高超獲監製賞識　開始幫劇集繪道具畫

陳勉良擅長畫水墨畫中的山水景色，原來也會偶爾幫公司畫一些道具畫，他解釋：「或者有時啲廠期嘅時間，要拍得夜啲先到畫畫嘅部分，咁緊係拍咗啲重要嘅戲先啦，因為人哋美術部呢，朝早8點開工，你（凌晨）兩、三點叫佢開工，好慘㗎嘛。啲監製就體諒到，就覺得：『橫掂你係畫畫，你都捱慣夜㗎啦，倒不如就幫手寫幾筆！』（咁你要畫到好夜？）叫做可以咁講啦。」原來在2000年的無綫劇集《金裝四大才子》中的畫作，也是出自陳勉良手筆，他憶述當年︰「嗰陣時《金裝四大才子》就指明要好多嘢，嗰陣時要畫到一個數目嘅畫，依家呢啲情況呢，就間中有一兩張咁畫吓。」而鄺業生是第一個找他畫道具畫的監製。

善於畫山水畫　畫煙雨雲霞

我們一般都覺得藝術是靠天份，但陳勉良指要畫得好，是要熟練技巧，他說︰「最重要係熟練技巧，先有得變化，有得創作。」他畫畫多年，最熟練的是畫煙雨雲霞，能把雲霧畫得像流動一樣，絕對是難事。他在個人感言中，也提到「在嶺南畫風的溫和秀麗，及寫生寫景的基礎上，力求變化。」為求保持「初心不變」。

演活無數小人物角色

陳勉良常演繹一些草根角色，也被稱為無綫「御用保安」，被問到他為什麼會喜歡做這種角色，他說：「喺我角度嚟講呢，我覺得做戲無乜所謂，咁監製同導演都審核過呢個角色啱唔啱你呢個人物做。」無論輕或重，他也演活過無數個角色，他也認同演戲跟畫畫相似，「有少少相似，大家都係藝術」，相信兩者需要的也是觀察力，才可以有這麼多好的作品誕生。

點擊觀賞更多陳勉良的畫作：