【多圖】温碧霞飛巴黎睇騷 自爆有豔遇送上門

撰文:黃欣華
出版:更新:
温碧霞(Irene)日前抵達巴黎,應時裝品牌邀請出席巴黎時裝周,Irene到埗後,馬不停蹄應當地傳媒邀請到巴黎多個名勝地拍攝靚相,由於當地天氣非常舒服又天朗氣清,藍天無雲,Irene心情大靚說:「真繫好鐘意巴黎,不愧是浪漫巴黎,天氣舒服到不得了,無論去到邊都充滿浪漫感覺,哈哈!」

而最浪漫是,Irene沿路拍照都有豔遇,一路行,一路吸引當地男士注目,不停有男士熱情向她打招呼及聊天,更有男士直接問她攞電話,除了靚仔的法國男士外,也有不少當地華人粉絲要求跟Irene合照,大讚她睇相已經好靚,真人原來更加靚,Irene開心說:「估唔到我喺巴黎有咁多粉絲,大家都好熱情,好開心,法國男士真的好有風度和禮貌。」
其實Irene起程巴黎前患上嚴重感冒,本來已睇了中醫,但未見好轉,她擔心影響巴黎行程,馬上轉睇西醫並加重藥,及推掉所有約會及工作專心在家休息了兩天,終於趕及起程前痊癒,她笑:「好彩趕得切好番曬,已經準備了一套好靚的靚衫出席今晚(香港時間26日晚)的時裝騷,好期待啊,大家真系要身體健康,祝大家新一年人人都冇病冇痛。」