鍾欣潼歐遊失蹤老公驚慄半小時 ：成個人訓低咗喺廁所
撰文：吳子生
出版：更新：
鍾欣潼（阿嬌）今日（26/2）出席尖沙咀舉行的著名意大利高級皮具品牌活動，提到好姊妹容祖兒及蔡卓妍日前飛去北海道旅行滑雪，阿嬌表示因爲有工作在身去唔到：「其實我又唔係好鍾意滑雪嘅，但我又好想同啲姊妹一齊去旅行，惟有下次再約過佢哋去啦。」
早前阿嬌不幸患上甲型流感，需要食藥休息，一度停工養病。阿嬌透露同老公去歐洲度蜜月時差點發生意外：「本身患咗流感個人好唔舒服又食咗藥，到夜晚食飯嘅時候又飲咗酒，咁就撞咗啲藥，之後我喺廁所成個人瞓低咗，半個鐘頭我都仲未返出去，老公當時好緊張衝咗入嚟廁所搵我，咁啱我又醒返佢扶我出去，嗰一刻成個人真係好辛苦，連嗰餐飯要取消，嗰間仲要係米之蓮餐廳，只係食咗兩道菜就走，啲人仲話『係唔係啲嘢唔好食呀』，搞到真係唔好意思。」
【ViuTV晚吹】老公定生仔時間表 Coffee：湊仔太攰未有時間生產【ViuTv晚吹】女神簡幗儀中學不修邊幅：成日用頭髮遮住自己個樣【中華小姐】不介意27歲之齡參選 林盷佳：太年青有好有壞【中華小姐】賀灕灑鬥心強唔惜身 發住燒挑戰TRX吊懸手震震 人氣男團MIRROR大鬥舞技 吳業坤：出絕殺天外飛仙舞