許志安邀男神「爆肚」拍MV　黃子華︰鄭秀文係唱大戲

近年香港人快樂指數不斷下降，而許志安（安仔）新歌《芝士》，正是希望帶出正能量，提醒大家「say cheese」，笑多一點。安仔新歌MV更找來男神黃子華撐場，參與MV演出，二人在MV中扮演保安員，不斷大放笑彈，希望藉歌曲給港人打氣。

MV導演兼樂隊RubberBand主音6號，並未有為安仔及子華安排對白，讓二人臨場發揮，想不到子華卻借Sammi過橋，令安仔哭笑不得。MV劇情講述安仔扮演的保安員，四出找正在偷懶的同事子華，因為「許志安」快要舉行活動，而子華開口即說：「哦，陳秀文條仔嘛。」安仔即更正他應該是「鄭秀文」，而子華卻反駁：「黐線，鄭秀文係唱大戲。」

子華半開玩笑表示前世欠了安仔，所以今世要還，而且不是第一次撐安仔場，「我呢世人未試過做演唱會嘉賓，又幫佢（指安仔）做嘉賓，MV又客串埋，但我要鄭重聲明，我係唔客串，唔好搵我客串，但偏偏又幫佢客串。」安仔更表示會請子華食餐好的，答謝對方幫忙，子華再次發揮笑匠本色：「即係起碼有碗雲吞麵啦。」不過，當問到子華甚麼才是快樂？他即變得一本正經：「咩係真正開心？係你容許別人做佢開心嘅事，又容許自己做開心嘅事，咁先係開心嘅世界。」希望大家聽過安仔的新歌，生活更加正面，充滿正能量。