【渣打馬拉松2019】林穎彤趕衝線難保女神樣：下次要化個防水妝！
撰文：蒙曉盈
出版：更新：
林穎彤（Bella）今日（17日）首次參加「渣打馬拉松」十公里賽事，她明言今次是獲代表隊邀請參加比賽，希望藉今次機會挑戰自己，最終在一小時五分鐘完成賽事，比目標時間一小時十分鐘還要快五分鐘，所以Bella滿意今次成績。Bella又希望未來可以再參加十公里賽，看看成績會否比今年有所提高。
作為跑步新手，Bella特別獲胡諾言指教飲食秘方：「近一個禮拜就食多啲嘢，食多啲澱粉質，儲多啲能量，因為我食素，都驚會唔會唔夠力，今次都完成到。」Bella透露跑步時會靠思考不同東西和聽K-pop激發動力：「啲K-pop女團咁犀利，我都唔可以停呀！」
問到最辛苦的路段，Bella認為是最後衝線時100米上斜路段：「之前我請教過專門跑手，佢哋話喺你最辛苦嗰陣，臨（衝線）100米先嚟上好斜嘅斜坡……我見有啲人停低咗去行，我話唔得啦，我要衝線番去見朋友影相，所以就咁谷自己上去。」不過，Bella笑言當時自己不顧儀容衝線，她亦自覺當時難以保持女神美貌，所以Bella決定以後會化防水妝上陣。
+6
【渣打馬拉松2019】胡諾言跑前早餐食三碗飯 林穎彤首次挑戰10km【渣打馬拉松2019】與男友胡子彤甜蜜衝線 歐鎧淳：有佢我先參加【渣打馬拉松2019】連詩雅落雨跑10K感吃力：最後突上斜有啲辛苦【渣打馬拉松2019】首戰半馬向陳山聰取經 袁偉豪：好大壓力！【渣打馬拉松2019】曾淑雅提早一個月備戰 信跑步能保持女神形象
【周五心意運動】您捐一封$50利是，已可為基層送上溫飽，01心意呼籲您支持【香港青年協會】 ，每$50即可製作5碗愛心湯和心意禮物：https://heart.hk01.com/zh/project/10095