【情人節】吳家樂結婚13年冇特別慶祝：我當年連求婚都冇！
撰文：張嘉敏
出版：更新：
不少人會覺得情人節是情侶才會重視和慶祝的節日，對於一些老夫老妻似乎是可有可無，吳家樂與太太結婚結婚13年，那麼他們還會否慶祝情人節呢？家樂接受《香港０01》訪問時說：「我哋未算係老夫老妻，不過因為大家都好忙，加上心思都放喺三個仔女身上，所以冇咩特安排，或者出年預早安排一下。」至於可會送花給太太，他笑言：「佢每次睇到新聞講情人節影啲人收花都會話自己冇花收，我話我鼻敏感呀，實際啲好。」
家樂坦承自己並非一個浪漫的人，這麼多年來更是從未送過花給太太，他說：「老實講，由我哋拍拖到結婚至今，我都冇送過花畀太太，就連求婚時都冇送過，因為我都冇求過婚，當年係大家傾傾下就話不如結婚啦。我太太有時都會畀說話我聽，當佢睇電視或者睇戲睇到人求婚時，就會話點解佢冇經歷過呢啲。」他認為對另一半平時的關心重要過指定節日去慶祝：「我個人比較實際，咁當然會氹下太太，我送禮物都係送啲佢需要同實用嘅嘢，一直都係咁樣，如果有日我突然間變得浪漫，先至有問題。」