汪明荃潮遊日本　「VL」羽絨有錢都買唔到

人稱阿姐嘅汪明荃雖然年屆七十，但心態年輕，去年潮玩IG自創「汪阿tag」人人讚好。不過，如果要話阿姐跟得上潮流的話，衣著打扮一定係其中一項，由Comme des Garcons、3.1 Phillip Lim到近年最愛嘅Gucci，阿姐全部都carry得起。
 

就好似佢日前同家英哥去日本旅行時，一件Moncler長羽絨配以Gucci白波鞋、BV (Bottega Veneta) 手袋，絕對係唔少潮人之選。值得一提嘅係，阿姐呢件羽絨，係Moncler聯同Valentino推出的，衣服上印有「  VLTN」字眼，價值約為2500美金左右，但官網早已售罄。

去旅行當然愈輕便愈好，阿姐除選擇唔少女士們都喜愛嘅BV袋之外，亦帶備了出現過喺唔少藝人身上嘅Gucci索繩背包，價值約為1萬5港元左右。阿姐走在潮流尖端之餘，亦都有照顧埋家英哥，一人一條Gucci暗花頸巾，一個黑色一個紫色，唔覺唔覺一齊以情侶裝出場，真係好正。