陳凱琳越南Resort享受Babymoon　纖瘦背影完美隱藏巨肚

對於大肚婆有好多都市傳說，唔可以蹲低唔可以揼釘，出遠門更加諗都唔使諗。時代唔同啦，好多傳統嘢大家都未必跟足，只要陀得穩陣，問過醫生身體情況許可，唔少媽媽都會大住肚去Babymoon。陳凱琳去年11月宣布懷孕後，繼續工作之餘亦不忘享受人生，呢幾日又飛到越南度假，仲大曬巨肚添。

早前已經有人撞到鄭嘉穎帶Grace到越南芽莊旅行，睇嚟Grace真係好鍾意越南呢個地方，新年期間又去咗越南Resort啦。Grace喺1月中出席活動時，已經透露自己懷孕後重咗超過20磅，見到佢其中一張相只有背影，其實睇落仲係好纖瘦呀﹗

點知轉個側面就感覺大逆轉啦，Grace著住件鬆身灰色上衣，加黑色貼身褲，見到孕肚明顯隆起，即使素顏都顯得氣息相當好。Grace留言話：「When he tells you he loves your pregnancy glow.」雖然相片未見老公鄭嘉穎身影，但呢句說話無疑出自愛人口中，先會令Grace咁冧啦。