《奔跑吧兄弟》傳出大換血 王祖藍：我哋等官方宣布！
撰文：賴家杰
出版：更新：
王祖藍今日（10）帶同老婆李亞男與梁嘉琪及吳沚默到街頭宣傳電影《你咪理，我愛你！》，電影現時票房成績祖藍十分滿意，「其實今年競爭非常大，好唔容易，基本上上一年一部戲票房等於我哋咁多套加埋，但係唔緊要，因為對於成個行業嚟講生氣勃勃，好耐未試過咁熱鬧，咁樣好好。」
拍攝歌舞電影對於祖藍來說是一種新嘗試，外界也有不同聲音，祖藍笑言總會有人喜歡或不喜歡，不過會否繼續挑戰，祖藍坦言：「首先要睇下今次觀眾反應然後再睇老闆肯唔肯，因為今次呃到佢哋唔知呃唔呃到第二次。」
祖藍指2019年工作排得滿滿，要再拍電影也要看時間，因為他指要忙於拍攝綜藝，但有傳《奔跑吧兄弟》即將會大換血，祖藍大賣關子說到自己不知情，更說了兩次：「我哋等官方宣布！」