李施嬅演技再獲國際肯定　入圍角逐「加拿大奧斯卡」最佳女配角

李施嬅（Selena）最近在TVB劇集《荷里活有個大老千》中飾演「瑪利蓮」一角，表現大獲好評，其中一場在15秒連擺21個性感甫士的情節，不少觀眾都大讚她有喜劇感，演技備受讚賞。Selena不止在本地劇集中表現出色，最近她更憑着加拿大劇集《Blood And Water》（血與水）第三季，獲提名《加拿大影視獎》（Canadian Screen Awards）最佳女配角，揚威海外！

Selena昨晚（8日）在IG公布獲提名的好消息，並拍攝了一段短片分享得知喜訊的心情：「好開心今日一起身就收到個Email話我喺加拿大一年一度最重視嘅頒獎禮，《Canadian Screen Awards》被提名最佳女配角，係憑住《Blood And Water》（血與水）裏面Michelle呢個角色提名。無論結果係點我都會好開心，因為被提名已經係一件好難得嘅事。好興奮呀！」Selena在片中全程笑容滿面，手舞足蹈，可見心情有多麼興奮！最近忙著拍攝新劇《法證先鋒IV》的她，更希望到時可以親身到當地參加頒獎禮：「三月就係呢個頒獎禮，我就會去行紅地氈，到時拍完《法證先鋒IV》睇下點，希望可以有好成績。」

出道15年的Selena參演過不少劇集，包括《紫禁驚雷》、《大太監》、《寒山潛龍》、《樓奴》等。2005年，因為在《老婆大人》、《佛山贊師傅》、《本草藥王》中的精彩表現，獲提名《萬千星輝頒獎典禮》「飛躍進步女藝人」，可惜最終輸給了《秀才遇著兵》的周麗淇。之後她相繼出演《宮心計》的賢妃、《鐵馬尋橋》的榮芷晴、《大太監》的婉太嬪等，在《純熟意外》中更一人分飾三角，演技備受好評。雖然多次入圍角逐「最佳女配角」，但可惜一直未能獲得任何獎項。

不過「有麝自然香」，Selena因一次機緣巧合下自薦出演美國微電影《Once More》，在前年成功奪得《European Cinematography Awards》及《Los Angeles Film Awards》最佳女主角，成為雙料影后！第一次奪獎就衝出國際，Selena曾在接受訪問時表示：「我做咗咁多年，年年都有去頒獎禮，睇人攞獎攞得多，今次有呢個機會，可以講返得獎感受，原來真係好鬼死緊張！」她更坦言試過質疑自己，幸好有「胡說八道會」的支持：「一班好姊妹畀咗好多正能量我，push大家可以努力去衝。」眼見好姊妹一個又一個得到獎項，但她並沒有羨慕或妒忌之心：「我會替佢哋開心，因為大家都係同樣做咗好多年，努力咗咁多年，先至有咁嘅成績。當然我都會諗自己會唔會有呢一日喇，自己一直努力咗14年，但嗰時都覺得呢個機會都好渺望，所以今次拎呢獎我真係絕對諗唔到，係一支極大嘅強心針。」

Selena曾在節目《胡說八道真情假期》中分享開心事：

Selena過往一直予人斯文淑女、柔弱的感覺，但她在警匪劇《Blood And Water》中就挑戰演女殺手Michelle，為了演好角色，她除了刻意減磅之外，還接受槍械訓練，希望更貼合角色形象。這個機會更是她憑個人實力，在試鏡中打敗過百位女演員成功奪得。《加拿大影視獎》（Canadian Screen Awards）被譽為「加拿大奧斯卡」，如今Selena獲提名最佳女配角，確實可喜可賀！

【周五心意運動】您捐一封$50利是，已可為基層送上溫飽，01心意呼籲您支持【香港青年協會】 ，每$50即可製作5碗愛心湯和心意禮物：https://heart.hk01.com/zh/project/10095