菊梓喬恨做馬主　取名「如花似玉」：好似花咁瑰麗堂皇

今日（7/2）大年初三沙田馬場舉行「農曆新年賽馬日」開幕典禮，菊梓喬（Hana）獲邀擔任演唱嘉賓，並率先打頭陣唱出首本名曲《久別重逢》，揭開序幕。Hana表示：「年初一冇出過門，就係去準備今日嘅活動，呢個活動好有朝氣，好開心可以唱咁多喜慶嘅歌，又可以同咁多馬迷拜年，現場氣氛好熱鬧。」

香港有不少名人是馬主，包括李嘉欣與夫婿許晉亨、郭富城、王晶及曾志偉等等，原來Hana都想一嘗做馬主滋味：「雖然可能係好遙遠嘅事，但係呢個係一個目標嚟嘅，因為都好想擁有屬於自己嘅馬匹，名我都改定，叫「如花似玉」，好似花咁瑰麗堂皇，自己本身對馬就唔係太認識，但今日可以咁近距離可以接觸得到佢哋，令我加深咗對佢哋嘅喜愛。」

【周五心意運動】您捐一封$50利是，已可為基層送上溫飽，01心意呼籲您支持【香港青年協會】 ，每$50即可製作5碗愛心湯和心意禮物：https://heart.hk01.com/zh/project/10095