【阿爺賀歲攻略】主題曲被嘲錯晒音　丁子朗：我哋好認真做無聊嘢

丁子朗今日（31/1）出席在尖沙咀舉行的無綫新春節目《阿爺賀歲攻略》記者會。該節目為了搞搞賀年氣氛，更搵埋節目主持李家鼎及譚玉英、森美、丁子朗、吳若希、杜如風、麥美恩合唱主題曲《熱熱鬧鬧過新年》，近日網上掀起熱播，被網民大鬧惡頂五音不存。

丁子朗笑言：「我覺得首歌好好聽，成首歌得Jinny(吳若希)嗰兩句最啱音，見到網友大讚Jinny唱歌好聽好感動，佢梗係好聽啦佢係歌手嚟㗎，知道有人話首歌好無聊，五音不存，其實我哋好認真做無聊嘢，因為就過年大家都係搞下氣氛啫。」

去年12月聖誕節丁子朗去了澳洲自駕遊，估唔到返港後一個月，就收到由澳洲租車公司寄來的汽車超速罰單（港幣千八元）。子朗直言：「條路太大又太闊，當時路面限速100公里，超多咗10多公里，真係唔係好覺情況下，所以揸快咗，所以為有下次少心啲提醒自己。」