【你咪理，我愛你】鄭秀文與「丈夫」梁祖堯玩到床冧　被囡囡撞破

王祖藍執導嘅賀歲歌舞片《你咪理，我愛你！》搵嚟唔少藝人客串，當中包括鄭秀文(Sammi）。戲中同梁祖堯飾演夫妻嘅為了一對仔女疲於奔命、欠缺生活同性生活，為了重拾遺忘已久嘅情慾，Sammi特意戴上金色長隻髮，再配上皮衫皮褲上陣，預求為老公梁祖堯帶來無限快感。之不過，正要準備翻雲覆雨之際，女兒竟連環「搞破壞」，令到二人被強制「滅火」，咁都算，仲要同一對仔女解釋點解媽媽會穿晒皮衫皮褲，埸面尷尬得嚟又夠好笑。

Sammi為了演好角色落足心機，單係假髮都揀足幾日。而為了配合劇情，Sammi與祖堯有多場親密場口，不過專業的二人埋位時完全零尷尬，拍完更會走至導演身邊睇playback，研究如何精益求精。導演祖藍事後受訪時，則笑言拍攝過程「一波N折」：「我哋拍拍吓戲竟然冧咗張床，睇嚟真係太激烈。」