【極度怪咖】湯怡首拍TVB劇集　唔怕同王浩信傳緋聞

向來主攻電影嘅湯怡，最近出演無綫新劇《極度怪咖》，於劇中飾演中學教師，但受命要做社團話事人，結果搞出唔少笑料，要由王浩信幫手處理。湯怡透露由於自己較為慢熱，故開工初期都幾唔慣。「好在之後熟咗，就知我都可以好搞笑同好癲。劇中我同王浩信有感情戲，不過其實佢只係搵我過橋掩飾自己係gay，開頭都有啲緊張。」

王浩信向來都多緋聞，問回復單身嘅湯怡怕唔怕「中招」，佢話唔會特別去諗，因為王浩信於劇中成日被咁多位女主角包圍，故無需太避忌。「不過其實佢好好，教我好多拍劇要留意嘅嘢。」湯怡表示劇條與電影差不多，加上自己已非新人，所以並非太擔心。