王敏德二女王麗嘉擁驕人上圍仍感困擾：着衫唔好睇

藝人王敏德和馬詩慧的二女兒王麗嘉（Irisa）今日（23日）出席內衣品牌發布會，平時經常在社交網站上大曬性感內衣照的Irisa，透露自己買內衣買上癮：「而家愈來愈多，都幾多吓㗎！我同我家姐（王曼喜）都好鍾意買。（同家姐會交換着？）唔會！我哋size都唔啱，哈哈！」雖然有傲人上圍，但Irisa坦言豐滿身材亦為自己帶來困擾：「着衫方面好多靚衫都着唔到，好多裙呀嗰啲着得都唔好睇，好唔方便。」

快到農曆新年，Irisa稱會和家人留在香港拜年，不會到外地旅遊。（會不會自己整年糕？）她笑說：「煎整咗嘅年糕就ok嘅，但就未試過自己整。不過我自己鍾意食蘿蔔糕多啲！」Irisa表示2019年的目標是開YouTube Channel做YouTuber：「我會叫我家姐幫我錄，但佢唔係好鍾意喺幕前，佢鍾意做幕後多啲！」 她說希望在網上拍片分享日常生活，例如分享美妝和打扮心得、做運動心得、旅遊日誌等等。