林峰豪送同學仔紀念金牌 楊怡合照用手袋遮肚

撰文:黃欣華
出版:更新:

TVB綠葉演員李忠希日前就在微博曬出多張印有第13期「無線電視藝員訓練班」同學仔包括林峰、楊怡、張美妮、陳少邦、徐榮、楊明、趙永洪等多人合照的金牌,並留言:「20周年紀念金牌多謝林峰!」為每位同學仔大方送上金牌,果然貫徹林峰一向出手闊綽的風格。

送金牌唔止豪,更印上同學仔嘅樣,相當有心思!(微博照片)
送金牌唔止豪,更印上同學仔嘅樣,相當有心思!(微博照片)

林峰、楊怡、張美妮、陳少邦和徐榮等人日前又聚會,林峰趁齊人就向大家派發紀念金牌。見大家收到禮物後都相當興奮,紛紛拿着金牌自拍!幾位20年友誼不變,實在令人羨慕!第13期藝員訓練班之一的徐榮接受《香港01》訪問時表示,是次飯宴食得非常開心,能夠坐埋一齊食飯實在非常難得。問到林峰送贈的金牌「墜不墜手」,他回答說:「都『墜墜』㗎。」至於紀念金牌的價值,他說:「冇問幾重幾錢吖,不過幾重都好,都系一份心意。」他表示,該餐飯宴並不是由林峰「埋單」,而是由各位同學仔夾錢請林峰食飯。「佢成日有話埋㗎,系我哋唔佢埋之嘛,話曬送咗一份咁有紀念價格嘅禮物畀我哋。其實我哋年年都有約出嚟食飯,每次都系大家AA制,慣咗啦,我哋廿年來都系咁。」

話當年!(網上圖片)

當中懷孕約5個月左右的張美妮已見肚,至於正在養尊處優的身穿紅色衛衣的楊怡就用手袋遮肚,難道好快就有好消息宣佈?

零零舍舍有個手袋,唔通楊怡會生豬B?(微博圖片)
正在加載