馬國明今日（17日）為商場新春揭幕禮擔任嘉賓，他透露每個農曆新年都有個習俗一定要做：「我媽媽每年都會買桃花擺喺屋企，我通常都會喺桃花底行好多個圈！其實唔單止姻緣，仲代表人緣，咁行多幾個圈就會多啲人鍾意自己，都一定會好啲嘅！」

馬明表示今年只能抽空在年初一與家人吃飯。（賴家杰攝）

他表示由於正忙於拍《飛虎之雷霆極戰》，令《降魔的2.0》的拍攝延遲，所以新年要趕住開拍而未必有時間與家人過年。馬明稱女友黃心穎也要忙住拍劇沒時間見面：「其實佢個生日都好近，可能佢連生日都唔知有冇時間慶祝。」

他笑稱自己其實不太迷信，也不會在新年特意買紅色內褲。（賴家杰攝）

麥玲玲上年批中蕭正楠和黃翠如修成正果，日前在接受《香港01》訪問時表示今年馬國明和黃心穎很大機會結婚，馬明笑稱二人暫時未有計劃。（係咪都唔擔心被長輩催婚？）「其實佢哋一向都冇問我，我諗如果我真係結婚，我會通知大家嘅！唔使問我喇！」

馬明說未必有時間為心穎準備特別的生日驚喜，但一定會準備生日禮物。（賴家杰攝）

馬國明年年圍住桃花行幾個圈：我結婚會通知大家