【你咪理，我愛你】方力申王菀之再演情侶耗盡體力：成身濕曬

王祖藍處男執導嘅賀歲片《你咪理，我愛你！》，改編自百老匯膾炙人口嘅音樂劇《I Love You, You』re Perfect, Now Change!》，由於電話由12個單元串連而成，所以祖藍碌盡人情卡，揾水嚟鄭秀文、容祖兒、白只、吳業坤、鄭愷等60多位好友客串。

已經有一段時間未有推出音樂作品嘅方力申，於戲中同相約王菀之睇戲，但好揀唔揀，竟然系去睇文藝大悲劇，本以為會悶到瞓著嘅方力申，結果被王菀之感染爆喊，並不停中叫「瀨嘢」，而王菀之為打造肉緊效果，亦賣力交戲，咬唇咬到連導演及所有工作人員「睇一次笑一次」。

事後二人笑言是次唱歌比平時更為虛耗體力，小方更自爆唱到成身濕曬：「因為我嘅對手系王菀之，我梗繫好大壓力啦，佢出名唱得架嘛。加上祖藍喺DEMO入面都唱得好出色，為咗唔好令佢哋失望，我真系出盡全力去唱，結果就唱到成身汗濕曬喇。」至於菀之則大讚方力申唱歌劇十分出色，令她眼前一亮：「我直頭覺得戲入面呢只歌，可以成為我哋之後走埠登台嘅情侶檔合唱歌，小方真系唱得好好好好呀。」