【勁歌金曲2018】王祖藍任頒獎嘉賓　直認有私心：希望佢重新出發

王祖藍今天（7日）以頒獎嘉賓身分出席《勁歌金曲頒獎典禮2018》，祖藍笑言其實今天晚上有私心：「我其實睇好我嘅歌手林欣彤，因為對佢嚟講係一種鼓勵，咁佢上年有少少唔舒服，所以2019年可以重新出發。」

早幾天前（9日）便是祖藍的生日，他透露今年過得相當有意義：「生日時候陪老婆坐月，佢坐月就係一個生日活動，再加陪個女切蛋糕，錫佢一啖已經好滿足。」

不少藝人也不太願意公布自己小孩的模樣，但祖藍卻反傳統早早便於社交網站公布自己女兒的樣子，祖藍解釋：「其實依家大家都好開明㗎喇，四大天王有幾個以前都唔係好肯，但依家都公開，同埋嚟近新年有好多朋友拜年，好多朋友會同我個女合照又會問我擺唔擺得上網，唔通我要同幾百個朋友講唔Post得咩。」