朱千雪被抄牌只因車速過慢　警察認得都冇情講：好無辜吖

今日朱千雪（Tracy）出席名車發佈會，她更表示自己在加拿大的第一輛汽車是SUV，自始之後就特別鍾情於SUV。言談之間，Tracy更說起初時在香港剛拿取駕車執照時，在香港駕車時發生的趣事。「我喺香港揸車，初初係開得比較慢，但係就因為太慢，所以俾人抄牌，真係好無辜吖，之後我就開快啲啦，但係開快啲又俾人抄牌喎。」

原來該次Tracy是在往機場的高速公路上被抄牌：「有警察Stop咗我話：『朱小姐，你知唔知行緊幾多？』我就話：『吓，50咋喎。』佢話：『但係條路行100喎，要抄牌。』我話：『咁都抄？』佢話：『你太慢啦。』第二次開得太快又俾人抄，所以自此之後條路70，我就可以70。（警察先生認得你？）不特止，佢仲話同我影過相（合照），但係都要抄，所以你話啲警察幾盡責。」