碧咸牛眼淚妝拍雜誌封面　自爆決心做足球員原因

現年43歲的萬人迷碧咸 (David Beckham) 集型英帥靚正於一身，型佬味愈來愈濃，無論走咩路線的衣着打扮都可以說是難不到他，就算簡單一件白色tee都可以着出潮味。最近他就以一身官仔骨骨的造型，穿上灰色西裝為雜誌拍攝封面以及接受訪問，又Man又有型，不過他的妝容卻成了焦點所在。

相中的碧咸化了一個藍綠色眼影的眼妝，十足十周星馳套經典電影《回魂夜》入面的「牛眼淚」look，可算是一個突破大膽的嘗試，至於好唔好睇真是見人見智喇。他在訪問中透露自己小時候原來是怕醜仔一名，是踢足球才令他充滿自信。他說：「我細個時經常躲喺角落唔多出聲，但只要我站在球場上，就會好有自信、開心同放鬆，完全變成另一個人，就係因為咁樣我決心要成為一個足球員。」

一齊睇下碧咸嘅靚相啦！