胡定欣希望今年搞小型演唱會：唔唱平時嘅登台歌
撰文：賴家杰
出版：更新：
胡定欣今天（8日）出席健康品牌活動，她坦言做藝人好應該要注重健康，即使工作有多忙都要管理好自己的身體：「其實做代言好好，佢哋會畀好多產品我試，就算我依家用唔着，我身邊嘅人都可以用。」
雖然定欣暫時沒有拍劇工作，但她從來沒有停過手，密密接Job賺快外，全因想再置業：「其實呢個仲有一段距離，要畀心機雖然樓市跌緊，但係都唔便，但慢慢嚟。」
談到新一年大計，定欣便指自己在「沉澱」當中，準備重新出發，想再突破自己，又笑言有另一個目標：「拍戲係主要，不過2019年我都希望辦一個自己嘅小型演唱會，唔會唱平時嘅登台歌，會唱一啲同自己有關或咁多年Fans未聽過嘅歌。」