myTV SUPER韓劇台變宋仲基、池昌旭頻道? 舊作全日狂loop

撰文:鄺鈺瑩
出版:更新:

大台兩年前強勢推出myTV SUPER,33多條頻道當中包括韓劇台、日劇台、華語劇集台、體育台、24小時新聞台等等。之不過,隨著一次又一次嘅截員,體育台去年8月已被取消,而當時有傳韓劇台、日劇台及華語劇台亦將會滅台。
雖然韓劇台同華語劇台至今仍然運作正常,但播極都系舊劇,例如韓劇台周一至周五播出嘅《愛情上錯身》、《婆媽關係》甚至系《燦爛的遺產》已經至少系3年前嘅作品,系就係舊啲,不過都叫做有得選擇。踏入新一年,韓劇台同華語劇台進入「無限輪迴」形式,星期六由早到晚只系播出《五指咒鳴曲 》,而星期日就齋播《善良的男人》,如果一口氣播曬全劇都話開心啲,但兩台均只播出4集,相常只有池昌旭同宋仲基嘅粉絲會感到滿足,而華語劇則無限loop《談判官》以及《鬼吹燈之精絕古城》,觀眾萬一睇睇下瞓著咗都唔需要擔心會錯過任何精彩鏡頭,因為一定睇得返。
「無限輪迴」節目表