【十大中文金曲】鄭欣宜為生存找一點樂趣 學習如何苦中作樂
撰文：賴家杰
出版：更新：
鄭欣宜（Joyce）今天一身閃亮藍色晚裝出席（3日）《第四十一屆十大中文金曲音樂會》，Joyce笑言是悉心打扮的：「我覺得每一次頒獎典禮我都好期待，因為見一班朋友之外仲可以試新造型。」不過相對早前她出席的頒獎典禮沒那麼性感，「我唔覺得個日性感，其實係男性打扮，不過都多謝大家讚我。」
Joyce也對自己2018年有一個評價，「我回顧2018年其實我都出咗5首歌曲，第一次紅館演唱會，拍咗一套劇，拍咗一套賀歲電影，客串咗幾套電影，原來眨眼就過，做我哋呢行唔覺，因為只會向前行有乜計劃，所以都幾滿意2018年。」
2019年Joyce也為自己定下一個新目標，就是「生存 Have fun」，她解釋每人也要生存是必須的，而Have fun意思不是解吃喝玩樂，「我記得有一次上彭秀惠嘅堂教我哋要搵岀拍戲搵岀have fun，have fun唔代表要嘻嘻哈哈，佢比喻踢波好辛苦都會享受踢波，所以我都學懂工作中享受。」