【鋒味】謝賢自爆當年喺醫院嫌囝囝醜樣 謝霆鋒反寸：似你囉！
撰文：洪曉璇
出版：更新：
謝霆鋒自細已經喺鎂光燈下長大，遺傳自爸爸謝賢嘅CHOK爆外表，新一集《鋒味》霆鋒搵嚟四哥同汪明荃擔任嘉賓，一齊煮飯仔俾「順德自梳女」食，期間兩父子不時互寸，非常搞笑。
煮餸期間，四哥同阿姐講番當年佢哋拍緊《千王之王》時霆鋒出世嘅情況，四哥話當時接到電話後，即刻除咗戲服撲去醫院，嗰吓心情又好奇又激動，第一眼見到霆鋒後，四哥竟然衝口而出：「咁醜嘅。」喺隔離聽緊「故仔」嘅霆鋒即刻話：「似你囉。」不過第一次做爸爸，四哥都感性咁話：「但嗰日我一抱住僗，眼淚都出來了。」
之後霆鋒又笑四哥戴超懶型，話佢其實乜都睇唔到，四哥就即時將副超除底，而霆鋒就攞住佢副超放喺鏡頭前，叫大家睇四哥視角，仲話：「今日呢副唔算黑，咁黑到底睇唔睇到？」四哥即刻接口話：「我係唔想睇到你……」兩父子嘅互寸互動，網民勁讚好有愛。