【萬千星輝】陳煒奪「最受歡迎電視女角色」：不枉我咁辛苦去演！

陳煒（煒哥）昨日（16日）在TVB《萬千星輝頒獎典禮》憑住電視劇《宮心計2深宮計》太平公主一角奪得「最受歡迎電視女角色」，煒哥表示感謝每一個喜歡太平公主這個角色的觀眾：「我覺得可以演到一個角色係大家肯定嘅，不負我咁辛苦去演呢個角色！」

陳煒昨晚（16日）不負眾望憑住《宮心計2深宮計》中太平公主一角成為全港市民票選出來的「最受歡迎電視女角色」。（黃國立攝）

首次在《萬千星輝頒獎典禮》上奪獎的她表示得獎是對自己的一個肯定：「好開心，自己覺得自己好努力，到真係宣布嗰一刻覺得好實在成件事，身邊嘅同事都好支持我，個個畀擁抱我嘅時候我都都忍唔住喊。」她稱自己也沒想過會在台上哭，但當時實在太開心，情緒一下子就上來。

煒哥下年會繼續以視后為目標？她回道：「台慶頒獎禮個意義就係大家用最大嘅實力攞出嚟去爭取一個獎項，所以我好鍾意呢個遊戲，我會繼續努力！」