【萬千星輝】何廣沛勇奪「飛躍進步男藝員」　無印象攬過朱晨麗？

何廣沛今日（16日）在《萬千星輝頒獎典禮》以大熱姿態奪得「飛躍進步男藝員」，他直言在說得獎感言時還有五個人未多謝：「《財神駕到》嘅黎耀祥、單立文啦、《律政強人》嘅方中信同埋廖啟智，佢哋四個都好重要，喺我戲份開始重嘅頭一兩部戲佢擔當一個好重要嘅角色，亦都要多謝啟華哥（吳啟華），佢喺《女人俱樂部》挑選我做佢嘅後生版，呢五位前輩係開拓咗我演藝事業嘅第一步！」

廣沛笑稱所有要多謝的人都是男人，但都有很多女拍檔要一一感謝：「江嘉敏、馮盈盈、劉佩玥、Morning朱（朱晨麗）我每個都想多謝。」緋聞女友朱晨麗在廣沛一得獎就上前攬住他，廣沛笑稱完全沒印象：「頭先有邊個有攬我都唔記得！實在緊張，個腦有少少空白，有少少腳步浮浮驚會仆親，嗰刻真係好緊張！」